Leonardo DiCaprio është kapur nga paparacët në krahët e një bukurosheje bionde që nga mediat britanike raportohet të jetë Afërdita Dreshaj.
Në internet kanë shpërthyer disa fotografi ku DiCaprio duket i zhveshur në pjesën e sipërme dhe i kapur për qafe nga ish-Miss Univers Kosova.
Se ishte pikërisht ajo, e ka konfirmuar edhe vetë modelja dhe këngëtarja nga Mali i Zi, e cila ka mohuar një lidhje të mundshme në Leonardon duke thënë se ata janë vetëm miq.
“Ne vetëm po kalonim kohë së bashku si shokë”, ka thënë Afërdita për E! News, raporton.
Ndërkohë çfarëdo që ka ndodhur gjatë kësaj kohe duket se ka qenë e paharrueshme për bukuroshen, pasi Afërdita ka shkruan në Twitter se po kalonte një ditë të “çmendur”.
Afërdita e ka pranuar se është në lidhje me këngëtarin Shpat Kasapi, derisa Leonardo, vitin e kaluar është ndarë nga modelja e “Victoria Secret’s” Erin Heatherton. Ai më herët ka pasur lidhje edhe me supermodelen Bar Rafaeli dhe Gisele Bundchen.
Por, Afërdita nuk është e vetmja me të cilën DiCaprio po kalon kohë. Ai së fundi është parë në një jaht me supermodelen Naomi Campbell, ndërsa të mërkurën është fotografuar duke u puthur me një tjetër biondinë, që duket se nuk është modelja shqiptare. /Telegrafi/
